IPL 2022: रोहित शर्माला स्लो ओव्हर रेटसाठी दंड, मुंबई इंडियन्सचा दिल्ली कॅपिटल्सकडून पराभव

इंडियन प्रीमियर लीग (IPL) 2022 च्या दुसऱ्या सामन्यात दिल्ली कॅपिटल्सविरुद्धच्या पराभवानंतर रोहित शर्माला आणखी एक धक्का बसला आहे. मुंबई इंडियन्सचा कर्णधार रोहित शर्माला 12 लाखांचा दंड ठोठावण्यात आला आहे. खरेतर, ब्रेबॉर्न स्टेडियमवर दिल्ली कॅपिटल्सविरुद्ध खेळल्या गेलेल्या सामन्यात त्याच्या संघाने संथ ओव्हर रेट (निर्धारित वेळेत पूर्ण न करणे) राखला.

“आयपीएलच्या आचारसंहितेअंतर्गत किमान ओव्हर-रेटच्या गुन्ह्याशी संबंधित हा त्यांच्या संघाचा हंगामातील पहिला गुन्हा आहे,” असे आयपीएलने जारी केलेल्या निवेदनात म्हटले आहे. त्यामुळे रोहितला कर्णधार म्हणून १२ लाखांचा दंड ठोठावण्यात आला आहे. विशेष बाब म्हणजे आयपीएल 2021 मध्येही दिल्ली कॅपिटल्सविरुद्धच्या सामन्यानंतर रोहित शर्माला 12 लाखांचा दंड ठोठावण्यात आला होता. त्या सामन्यातही तेच कारण होतं.

जोपर्यंत सामन्याचा संबंध आहे अक्षर पटेल आणि ललित यादवच्या नाबाद भागीदारीमुळे दिल्ली कॅपिटल्सने मुंबई इंडियन्सवर 10 चेंडू शिल्लक असताना 4 गडी राखून विजय मिळवला. 178 धावांच्या लक्ष्याचा पाठलाग करताना दिल्ली कॅपिटल्सने 18.2 षटकांत 6 बाद 179 धावा केल्या. ललितने 38 चेंडूंत चार चौकार आणि दोन षटकारांच्या मदतीने नाबाद 48 धावांची खेळी केली.

त्याचवेळी अक्षर पटेलने 17 चेंडूंत 2 चौकार आणि तीन षटकारांसह 38 धावा केल्या. ललित आणि अक्षर यांनी 30 चेंडूत 75 धावांची नाबाद भागीदारी केली. मुंबई इंडियन्सचा बेसिल थंपी चांगल्या फॉर्ममध्ये दिसत होता. त्याने 4 षटकात 3 बळी घेतले. दिल्ली कॅपिटल्सचे कुलदीप यादव 4 षटकांत 18 धावांत 3 बळी घेतले. त्याला सामनावीर म्हणूनही गौरविण्यात आले.